Mozarabic Chant videos

[patrick457]

Here are some Mozarabic Chant videos by the Asociación “Ubi Sunt?” held in St. Eulalia’s Basilica in Merida last year December 8.

arquired.es/users/mrgreyes/ermita/ (Note: site is in Spanish)

THE MASS OF ST. EULALIA

**Video 2: **Praelegendum
**Video 3: **Gloria in Excelsis Deo
**Video 4: **Psallendo

(Ps. 44: 11, 12, 2, 3b)

Chorus: Audi, filia, et vide; quia concupivit rex speciem tuum.
Et ipse est Deus tuus.
V: Lingua tua calamus scribe, velociter scribentis: diffusa est gratia in labiis tuis, propterea benedixit te Deus in aeternum.
P: Et ipse est Deus tuus.

**Video 5: **The Gospel

(Matt. 13: 44-52)

Lectio sancti Evangelii secundum Mattheum.
R: Gloria tibi Domine.

Illo in tempore dixit Dominus Jesus discipulis suis parabolam hanc: “Simile est regnum caelorum thesauro abscondito in agro: quem qui invenit homo, abscondit, et prae gaudio illius vadit, et vendit universa quae habet, et emit agrum illum.”

“Iterum simile est regnum caelorum homini negotiatori, quaerenti bonas margaritas. Inventa autem una pretiosa margarita, abiit, et vendidit omnia quae habuit, et emit eam.”

“Iterum simile est regnum caelorum sagenae missae in mare, et ex omni genere piscium congreganti. Quam, cum impleta esset, educentes, et secus littus sedentes, elegerunt bonos in vasa sua, malos autem foras miserunt. Sic erit in consummatione saeculi: exibunt angeli, et separabunt malos de medio justorum, et mittent eos in caminum ignis: ibi erit fletus, et stridor dentium. Intellexistis haec omnia?”

Dicunt ei: “Etiam.” Ait illis: “Ideo omnis scriba doctus in regno caelorum, similis est homini patrifamilias, qui profert de thesauro suo nova et vetera.”
R: Amen.

**Video 6: **Laudes

(Zeph. 3: 14)

V: Dominus sit semper vobiscum.
R: Et cum spiritu tuo.

Cantet Chorus: Alleluia.
V: Lauda filia Sion laetare et exulta filia Hierusalem.
P: Alleluia.

**Video 7: **Sacrificium

(Sir. 24: 17, 20, 21a, 22, 23a, 25b-27a)

Sicut cedrus exaltata sum in Libano, et sicut cypressus in monte Sion: quasi myrrha electa, Dedi suavitatem odoris, Alleluia.
V: Sicut storax, et galbanus, et ungula, et onix, et gutta, et quasi Libanus non incisus vaporavi habitationem meam;
Ego quasi terebinthus extendi ramos meos, et rami mei honoris et gratiae.
Ego quasi vitis fructificavi suavitatem odoris: in me omnis spes vitae et virtutis.
Transite ad me, omnes qui concupiscitis me, et a generationibus meis implemini: spiritus enim meus super mel dulcis.
P: Quasi myrrha electa, Dedi suavitatem odoris, Alleluia.

**Video 8: **Oratio Admonitionis (Missa)

Omnes qui sub impugnantium certamine viciorum: aut vulnerati turpiter: aut perempti de carnis fragilitate conquerimur: quique ignavie mentis excusatione corporeae imbecillitatis occulimus fratres carissimi: et propositum aspiciamus Eulaliae virginis: et triumphum.
Que nec sexui subjecta nec corpori: virile contemnendo contagium: sit virilis. In qua non fuit corruptele portio: ut esset gratiae plenitudo.
Quam credulitatem fide: libidinem castitate vincentem: et ornavit virginem admiratio castitatis: et coronavit martyrem gloria passionis: que dum vitiis repugnat et gladiis, dum et ferum spenit: et coitum, et credulitatis suae hostem pertulit: et aetatis.
Hujus ergo intercessu omnipotentiam summi Patris oremus: ut sicut ab eo ejus invicta virginitas locari meruit in regione caelorum: ita nobis concessa venia delictorum: concedatur locus in regione viventum.
R: Amen.
V: Per misericordiam tuam Deus noster qui es benedictus: et vivis et omnia regis in saecula saeculorum.
R: Amen.

V: Oremus.
R. Agyos: Agyos: Agyos; Domine Deus, Rex aeterne, tibi laudes et gratias.

 

[patrick457]

**Video 9: **The Diptychs

P: Ecclesiam sanctam Catholicam in orationibus in mente habeamus, ut eam Dominus fide, et spe, et caritate propitius ampliare dignetur. Omnes lapsos, captivos, infirmos, atque peregrinos in mente habeamus, ut eos Dominus propitius redimere, sanare, et confortare dignetur.

R: Praesta, aeterne omnipotens Deus.

P: Laetetur in te Domine quaeso virginitas: et huic proxima congaudeat continentia. Non soexum quaerunt hujusmodi bella: sed animum. Non mucronis confidentiam: sed pudoris. Non etiam personam discussuras: sed causas, impune inter armatas transit acies innocens conscientia: que superavit crimina: superat et metalla. Facile vincit alios: quisquis se vicerit.
Et cum laudabile sit viro fecisse virtutem: majoris tamen praeconii est fecisse virginem rem virilem. Prophanum sacra ingreditur puella concilium: et solum Deum in pectore gestans infert violentiam passioni. Nec deest lictor tam impudens quam crudelis: qui sponsam (secure dixerim) Christi: fornicantium verberibus oculorum: supplicio libidinante torqueret. Ut que poenas in adulterio non luebat: saltem poenas adulteras sustineret.
Dudum quod gravius carnifex putat expectantium oculis corpus exponit: et per divaricatas viscerum partes: ictuum sulcos cursus fusi sanguinis antecedit. Periit tunc tortoris iniqui commentum: sola patiuntur tormenta ludibrium.
Habet quidem virginem nostram nuditas: sed pudicam. Discat ergo: discat uterque soexus ex virgine: non pulchritudinem colore: sed virtutem. Fidem amare: non formam. Placiturus Domino: non decoris expectare judicium: sed pudoris. Sed quia tuum est Christe totum quod haec virgo vicerit: tuum quod meruit: tuum etiam quod peregit.
Nec enim tela repellimus adversantium: nisi tuae divinitatis beneficio sublevemur. Nunc praesta nobis ut sicut haec beatissima martyr tua pugnando premium adepta est castitatis: ita nos commissorum nostrorum ad te dimissis contagiis: adipiscamur premia tuae promissionis.
R: Amen.

P: Per misericordiam tuam Deus noster, in cujus conspectu sanctorum Apostolorum, et Martyrum, Confessorum, atque Virginum nomina recitantur.
R: Amen.

P: Offerunt Deo Domino oblationem Sacerdotes nostri: Papa Romensis: et reliqui pro se et pro omni clero ac plebibus Ecclesiae sibimet consignatis: vel pro universa fraternitate: item offerunt universi Presbyteri, Diaconi, Clerici ac populi circumadstantes. In honorem sanctorum pro se et suis.

R: Offerunt pro se et pro universa fraternitate.

P: Facientes commemorationem beatissimorum Apostolorum et Martyrum: gloriosae sanctae Mariae Virginis, Zachariae, Joannis, Infantium, Petri, Pauli, Jacobi, Andreae, Philippi, Thomae, Bartholomaei, Matthaei, Jacobi, Simonis et Judae, Matthiae, Marci et Lucae.

R: Et omnium martyrum.

P: Item pro spiritibus pausantium: Hilarii, Athanasii, Martini, Ambrosii, Augustini, Fulgentii, Leandri, Isidori, David, Juliani, item Juliani, Petri, item Petri, Joannis servi Dei, Visitani, Viventi, Felici, Cypriani, Vincentii, Gerontii, Zachariae, Cenapoli, Dominici, Justi, Saturnini, Salvati, item Salvati, Bernardi, Reymundi, Joannis, Celebruni, Gundisalvi, Martini, Roderici, Johannis, Guterii, Sancii, item Sancii, Dominici, Juliani, Philippi, Stephani, Johannis, item Johannis, Felicis.

R: Et omnium pausantium.

**Video 10: **Oratio ad Pacem

P: Deus aeternae: cujus gratia protecta virgo Eulalia inter flammas non erubuit confiteri: quod ex flamma tuis haurire promeruit. Tu nos ejus precatu inter mundi hujus flammarum procellosa discrimina protege: et tuae pacis multiplici incremento adiple. Quo et hic bene vivamus: et ad te hac vita renumerari secura conscientia properemus.
R: Amen.
P: Quia tu es vera pax nostra, et caritas indisrupta, vivis tecum et regnas cum Spiritu Sancto, unus Deus in saecula saeculorum.
R: Amen.

P: Gratia Dei Patris omnipotentis, pax ac dilectio Domini nostri Jesu Christi, et communicatio Spiritus Sancti, sit semper cum omnibus nobis.
R: Et cum hominibus bonae voluntatis.
P: Quomodo astatis pacem facite.

Video 11: Cantus ad Pacem

Pacem meam do vobis: pacem meam commendo vobis: non sicut mundus dat pacem do vobis.
V. Novum mandatum do vobis ut diligatis invicem.
*Pacem meam do vobis… *
V. Gloria et honor Patri, et Filio, et Spiritui Sancto, in saecula saeculorum. Amen.
Pacem meam do vobis…

Video 12: Prex Eucharistica

P: Introibo ad altare Dei mei.
R: Ad Deum qui letificat juventutem meam.
P: Aures ad Dominum.
R: Habemus ad Dominum.
P: Sursum corda.
R: Levemus ad Dominum.
P: Deo ac Domino nostro Jesu Christo filio Dei qui es in coelis; dignas laudas dignasque gratias referamus.
R: Dignum et justum est.